ASSR Mərkəzi İcraiyyə Komitəsinin və Xalq Komissarları Sovetinin 1929-cu il 2 mart tarixli "ASSR ərazisində narkotik vasitələrin istehsalının və ticarətinin tənzimlənməsi tədbirləri haqqında təlimat" qərarının və Azərbaycan SSR Nazirlər Sovetinin 1987-ci il 1 iyul tarixli, 233 nömrəli qərarının qüvvədən düşmüş hesab edilməsi barədə

AZƏRBAYCAN RESPUBLİKASI NAZİRLƏR KABİNETİNİN QƏRARI

"Narkotik vasitələrin, psixotrop maddələrin və prekursorların qanunsuz dövriyyəsi ilə mübarizə haqqında" Azərbaycan Respublikası Qanununun tətbiq edilməsi barədə" Azərbaycan Respublikası Prezidentinin 1999-cu il 4 avqust tarixli, 174 nömrəli Fərmanının birinci bəndinin icrasını təmin etmək məqsədi ilə Azərbaycan Respublikasının Nazirlər Kabineti qərara alır:

1. ASSR Mərkəzi İcraiyyə Komitəsinin və Xalq Komissarları Sovetinin 1929-cu il 2 mart tarixli "ASSR ərazisində narkotik vasitələrin istehsalının və ticarətinin tənzimlənməsi tədbirləri haqqında təlimat" qərarı qüvvədən düşmüş hesab edilsin.

2. "SSRİ Nazirlər Sovetinin 1987-ci il 12 iyun tarixli, 695 nömrəli "Vətəndaşlar tərəfindən yağlı xaşxaş əkilməsinin və becərilməsinin qadağan edilməsi barədə" qərarı haqqında" Azərbaycan SSR Nazirlər Sovetinin 1987-ci il 1 iyul tarixli, 233 nömrəli qərarı qüvvədən düşmüş hesab edilsin.

3. Bu qərar imzalandığı gündən qüvvəyə minir.

Azərbaycan Respublikasının Baş naziri A. RASİZADƏ

Bakı şəhəri, 13 iyul 2000-ci il
№ 123