Azərbaycan Respublikasının 1997-ci il 26 dekabr tarixli Qanunu ilə təsdiq edilmiş Azərbaycan Respublikası Su Məcəlləsinin tətbiq edilməsi barədə

AZƏRBAYCAN RESPUBLİKASI PREZİDENTİNİN FƏRMANI

1997-ci il 26 dekabr tarixli Azərbaycan Respublikasının Qanunu ilə təsdiq edilmiş Azərbaycan Respublikası Su Məcəlləsinin qüvvəyə minməsi ilə əlaqədar həmin Məcəllənin tətbiq edilməsini təmin etmək məqsədi ilə qərara alıram:

1. Azərbaycan Respublikasının Nazirlər Kabineti bir ay  müddətində:

qüvvədə olan qanunvericilik aktlarının Azərbaycan Respublikasının Su Məcəlləsinə uyğunlaşdırılması barədə təkliflərini Azərbaycan Respublikasının prezidentinə təqdim etsin;

Azərbaycan Respublikasının su qanunvericiliyinin pozulmasına görə məsuliyyət növlərini müəyyən edən qanunvericilik aktının layihəsini hazırlayıb Azərbaycan Respublikasının prezidentinə təqdim etsin;

həmin Məcəllənin 26-cı maddəsinin dördüncü hissəsində nəzərdə tutulmuş dövlət su kadastrının aparılması qaydası barədə təkliflərini Azərbaycan Respublikasının prezidentinə təqdim etsin;

Nazirlər Kabinetinin və müvafiq mərkəzi icra hakimiyyəti orqanlarının normativ-hüquqi aktlarının həmin Məcəlləyə uyğunlaşdırılmasını təmin etsin və bu barədə Azərbaycan Respublikasının prezidentinə məlumat versin;

Azərbaycan Respublikasının Su Məcəlləsindən irəli gələn digər məsələləri öz səlahiyyətləri daxilində həll etsin.

2. Müəyyən edilsin ki: [1]

2.1. Azərbaycan Respublikası Su Məcəlləsinin 18-ci maddəsinin ikinci hissəsinin ikinci, üçüncü və dördüncü abzaslarında, 21-ci maddəsinin üçüncü hissəsində birinci halda, 34-cü maddəsinin birinci hissəsində, 91-ci maddəsinin birinci hissəsində və 94-cü maddəsinin beşinci hissəsində nəzərdə tutulmuş “müvafiq icra hakimiyyəti orqanı”nın səlahiyyətlərini Azərbaycan Respublikasının prezidenti həyata keçirir; [2]

2.2. həmin Məcəllənin 11-ci maddəsinin ikinci hissəsində nəzərdə tutulmuş “müvafiq icra hakimiyyəti orqanları”nın səlahiyyətlərini Azərbaycan Respublikasının Nazirlər Kabineti və Naxçıvan Muxtar Respublikasının Nazirlər Kabineti həyata keçirirlər;

2.3. həmin Məcəllənin 21-ci maddəsinin üçüncü hissəsində ikinci halda, dördüncü hissəsində hər iki halda, 36-cı maddəsinin yeddinci hissəsində, 37-ci maddəsinin ikinci və beşinci hissələrində, 38-ci maddəsinin ikinci hissəsində, 49-cu maddəsinin birinci və üçüncü hissələrində, 54-cü maddəsinin birinci hissəsinin beşinci abzasında, 55-ci maddəsinin ikinci hissəsində, 61-ci maddəsində, 65-ci maddəsində, 67-ci maddəsinin ikinci hissəsində, 69-cu maddəsində, 76-cı maddəsində, 77-ci maddəsinin ikinci hissəsində, 80-ci maddəsinin ikinci hissəsində, 81-ci maddəsinin ikinci hissəsində, 87-ci maddəsinin ikinci hissəsində, 89-cu maddəsinin ikinci hissəsində, 92-ci maddəsinin birinci və ikinci hissələrində, 97-ci maddəsinin üçüncü hissəsində və 99-cu maddəsinin ikinci hissəsində nəzərdə tutulmuş “müvafiq icra hakimiyyəti orqanı”nın səlahiyyətlərini Azərbaycan Respublikasının Nazirlər Kabineti həyata keçirir; [3]

2.4. həmin Məcəllənin 17-ci maddəsində nəzərdə tutulmuş “Azərbaycan Respublikasının müvafiq icra hakimiyyəti orqanları”nın səlahiyyətlərini Azərbaycan Respublikasının Nazirlər Kabineti, Azərbaycan Respublikasının Ekologiya və Təbii Sərvətlər Nazirliyi, Azərbaycan Respublikasının Fövqəladə Hallar Nazirliyi və Azərbaycan Meliorasiya və Su Təsərrüfatı Açıq Səhmdar Cəmiyyəti həyata keçirirlər; həmin maddədə nəzərdə tutulmuş “Naxçıvan Muxtar Respublikasının müvafiq icra hakimiyyəti orqanı”nın səlahiyyətlərini Naxçıvan Muxtar Respublikasının Nazirlər Kabineti həyata keçirir; [4]

2.5. həmin Məcəllənin 26-cı maddəsinin üçüncü hissəsində nəzərdə tutulmuş “müvafiq icra hakimiyyəti orqanları”nın səlahiyyətlərini Azərbaycan Respublikasının Nazirlər Kabineti, Naxçıvan Muxtar Respublikasının Nazirlər Kabineti, Azərbaycan Respublikasının nazirlikləri, dövlət komitələri, baş idarələri və yerli icra hakimiyyəti orqanları həyata keçirirlər;

2.6. həmin Məcəllənin 23-cü maddəsinin ikinci hissəsində nəzərdə tutulmuş “müvafiq icra hakimiyyəti orqanları”nın səlahiyyətlərini Azərbaycan Respublikasının Nazirlər Kabineti, Azərbaycan Respublikasının Ekologiya və Təbii Sərvətlər Nazirliyi, Azərbaycan Respublikasının Fövqəladə Hallar Nazirliyi, Azərbaycan Respublikasının Energetika Nazirliyi, yerli icra hakimiyyəti orqanları və Azərbaycan Meliorasiya və Su Təsərrüfatı Açıq Səhmdar Cəmiyyətinin təkliflərini nəzərə almaqla həyata keçirir; [5]

2.7. həmin Məcəllənin 12-ci maddəsinin üçüncü hissəsində, 74-cü maddəsinin üçüncü hissəsində, 83-cü maddəsinin ikinci hissəsində , 83-cü maddəsinin ikinci hissəsində və 104-cü maddəsinin birinci hissəsində nəzərdə tutulmuş “müvafiq icra hakimiyyəti orqanları”nın səlahiyyətlərini Azərbaycan Respublikasının Ekologiya və Təbii Sərvətlər Nazirliyi, Azərbaycan Respublikasının Fövqəladə Hallar Nazirliyi və Azərbaycan Meliorasiya və Su Təsərrüfatı Açıq Səhmdar Cəmiyyəti həyata keçirirlər; [6]

2.7-1. həmin Məcəllənin 21-ci maddəsinin üçüncü hissəsində nəzərdə tutulmuş müvafiq icra hakimiyyəti orqanlarının səlahiyyətlərini Azərbaycan Respublikasının Ekologiya və Təbii Sərvətlər Nazirliyi və Azərbaycan Respublikasının Fövqəladə Hallar Nazirliyi həyata keçirirlər;

2.7-2. həmin Məcəllənin 21-ci maddəsinin üçüncü hissəsində “qurumlar” dedikdə Azərbaycan Meliorasiya və Su Təsərrüfatı Açıq Səhmdar Cəmiyyəti və “Azərsu” Açıq Səhmdar Cəmiyyəti nəzərdə tutulur; [7]

2.8. həmin Məcəllənin 21-ci maddəsinin üçüncü hissəsində, 22-ci maddəsinin üçüncü hissəsində, 26-cı maddəsinin ikinci və dördüncü hissələrində, 41-ci maddəsinin ikinci hissəsində, 42-ci maddəsinin ikinci hissəsində, 47-ci maddəsinin dördüncü hissəsində, 60-cı maddəsində, 83-cü maddəsinin birinci hissəsində , 83-cü maddəsinin birinci hissəsində və 90-cı maddəsinin ikinci hissəsində nəzərdə tutulmuş “müvafiq icra hakimiyyəti orqanları”nın səlahiyyətlərini Azərbaycan Respublikasının Ekologiya və Təbii Sərvətlər Nazirliyi, Azərbaycan Respublikasının Fövqəladə Hallar Nazirliyi və Azərbaycan Meliorasiya və Su Təsərrüfatı Açıq Səhmdar Cəmiyyəti həyata keçirirlər; [8]

2.9. həmin Məcəllənin 22-ci maddəsinin üçüncü hissəsində nəzərdə tutulmuş “müvafiq icra hakimiyyəti orqanları”nın səlahiyyətlərini Azərbaycan Respublikasının Ekologiya və Təbii Sərvətlər Nazirliyi, Azərbaycan Respublikasının Fövqəladə Hallar Nazirliyi, Azərbaycan Respublikasının Energetika Nazirliyi, Azərbaycan Meliorasiya və Su Təsərrüfatı Açıq Səhmdar Cəmiyyəti həyata keçirirlər; [9]

2.10. həmin Məcəllənin 24-cü maddəsinin üçüncü hissəsində nəzərdə tutulmuş “müvafiq icra hakimiyyəti orqanları”nın səlahiyyətlərini Azərbaycan Respublikasının Azərbaycan Respublikasının Ekologiya və Təbii Sərvətlər Nazirliyi, Azərbaycan Respublikasının Fövqəladə Hallar Nazirliyi və Azərbaycan Meliorasiya və Su Təsərrüfatı Açıq Səhmdar Cəmiyyəti həyata keçirirlər; [10]

2.11. həmin Məcəllənin 27-ci maddəsində nəzərdə tutulmuş “müvafiq icra hakimiyyəti orqanları”nın səlahiyyətlərini Azərbaycan Respublikasının Ekologiya və Təbii Sərvətlər Nazirliyi və Səhiyyə Nazirliyi həyata keçirirlər;

2.12. həmin Məcəllənin 36-cı maddəsinin üçüncü hissəsində nəzərdə tutulmuş “müvafiq icra hakimiyyəti orqanları”nın səlahiyyətlərini Azərbaycan Respublikasının Ekologiya və Təbii Sərvətlər Nazirliyi və Səhiyyə Nazirliyi və yerli icra hakimiyyəti orqanları həyata keçirirlər;

2.13. həmin Məcəllənin 48-ci maddəsinin ikinci hissəsində və 88-ci maddəsinin birinci və dördüncü hissələrində nəzərdə tutulmuş “müvafiq icra hakimiyyəti orqanları”nın səlahiyyətlərini Azərbaycan Respublikasının Ekologiya və Təbii Sərvətlər Nazirliyi həyata keçirir; [11]

2.14. həmin Məcəllənin 56-cı maddəsində nəzərdə tutulmuş “müvafiq icra hakimiyyəti orqanları”nın səlahiyyətlərini Azərbaycan Respublikasının Ekologiya və Təbii Sərvətlər Nazirliyi, Səhiyyə Nazirliyi, Nazirlər Kabineti yanında Baytarlıq Komitəsi, yerli icra hakimiyyəti orqanları və Azərbaycan Meliorasiya və Su Təsərrüfatı Açıq Səhmdar Cəmiyyəti həyata keçirirlər; [12]

2.15. həmin Məcəllənin 77-ci maddəsinin birinci hissəsində və 79-cu maddəsinin birinci hissəsində nəzərdə tutulmuş “müvafiq icra hakimiyyəti orqanları”nın səlahiyyətlərini Azərbaycan Respublikasının Ekologiya və Təbii Sərvətlər Nazirliyi, Azərbaycan Respublikasının Fövqəladə Hallar Nazirliyi və Azərbaycan Meliorasiya və Su Təsərrüfatı Açıq Səhmdar Cəmiyyəti həyata keçirirlər;

2.16. həmin Məcəllənin 66-cı maddəsinin üçüncü hissəsində, 68-ci maddəsinin ikinci hissəsində, 86-cı maddəsinin ikinci hissəsində, 86-cı maddəsinin ikinci hissəsində, 87-ci maddəsinin birinci hissəsində və 93-cü maddəsinin ikinci hissəsində nəzərdə tutulmuş “müvafiq icra hakimiyyəti orqanı”nın səlahiyyətlərini Azərbaycan Respublikasının Fövqəladə Hallar Nazirliyi və Azərbaycan Meliorasiya və Su Təsərrüfatı Açıq Səhmdar Cəmiyyəti həyata keçirir; [13]

2.17. həmin Məcəllənin 71-ci maddəsinin ikinci abzasında nəzərdə tutulmuş “müvafiq icra hakimiyyəti orqanı”nın səlahiyyətlərini Azərbaycan Respublikasının Ekologiya və Təbii Sərvətlər Nazirliyi həyata keçirir; [14]

2.18. həmin Məcəllənin 75-ci maddəsinin üçüncü və dördüncü hissələrində nəzərdə tutulmuş “müvafiq icra hakimiyyəti orqanı”nın səlahiyyətlərini Azərbaycan Respublikasının Ekologiya və Təbii Sərvətlər Nazirliyi, Azərbaycan Respublikasının Fövqəladə Hallar Nazirliyi həyata keçirir;

2.19. həmin Məcəllənin 93-cü maddəsinin dördüncü hissəsində nəzərdə tutulmuş “müvafiq icra hakimiyyəti orqanları”nın səlahiyyətlərini Azərbaycan Respublikasının Ekologiya və Təbii Sərvətlər Nazirliyi, Azərbaycan Respublikasının Fövqəladə Hallar Nazirliyi, və yerli icra hakimiyyəti orqanları həyata keçirirlər; [15]

2.20. həmin Məcəllənin 36-cı maddəsinin dördüncü hissəsində, 58-ci maddəsinin üçüncü və dördüncü hissələrində və 92-ci maddəsinin üçüncü və dördüncü hissələrində nəzərdə tutulmuş “müvafiq icra hakimiyyəti orqanları”nın səlahiyyətlərini yerli icra hakimiyyəti orqanları həyata keçirirlər; [16]

2.21. həmin Məcəllənin 92-ci maddəsinin birinci və ikinci hissələrində nəzərdə tutulmuş “müvafiq icra hakimiyyəti orqanları”nın səlahiyyətlərini Azərbaycan Respublikasının Nazirlər Kabineti və Azərbaycan Respublikasının Fövqəladə Hallar Nazirliyi öz səlahiyyətləri daxilində həyata keçirirlər;

2.22. həmin Məcəllənin 92-ci maddəsinin üçüncü və dördüncü hissələrində nəzərdə tutulmuş “müvafiq icra hakimiyyəti orqanları”nın səlahiyyətlərini Azərbaycan Respublikasının Fövqəladə Hallar Nazirliyi və yerli icra hakimiyyəti orqanları öz səlahiyyətləri daxilində həyata keçirirlər; [17]

2.23. həmin Məcəllənin 48-ci maddəsinin ikinci hissəsində nəzərdə tutulmuş “müvafiq icra hakimiyyəti orqanları”nın səlahiyyətlərini Azərbaycan Respublikasının Ekologiya və Təbii Sərvətlər Nazirliyi və Azərbaycan Respublikasının Fövqəladə Hallar Nazirliyi həyata keçirirlər; [18]

2.24. həmin Məcəllənin 98-ci maddəsinin birinci hissəsində nəzərdə tutulmuş müvafiq icra hakimiyyəti orqanının səlahiyyətlərini Azərbaycan Respublikasının Tarif (qiymət) Şurası həyata keçirir; [19]

2.25. həmin Məcəllənin 18-ci maddəsinin ikinci hissəsinin ikinci abzasında “orqan (qurum)” dedikdə Azərbaycan Respublikasının Fövqəladə Hallar Nazirliyi və Azərbaycan Meliorasiya və Su Təsərrüfatı Açıq Səhmdar Cəmiyyəti nəzərdə tutulur; [20]

2.26. həmin Məcəllənin 18-ci maddəsinin ikinci hissəsinin üçüncü abzasında “orqan (qurum)” dedikdə “Azərsu” Açıq Səhmdar Cəmiyyəti nəzərdə tutulur;

2.27. həmin Məcəllənin 18-ci maddəsinin ikinci hissəsinin dördüncü abzasında “orqan (qurum)” dedikdə “Azərenerji” Açıq Səhmdar Cəmiyyəti nəzərdə tutulur;

2.28. həmin Məcəllənin 94-cü maddəsinin beşinci hissəsində “orqan (qurum)” dedikdə, Azərbaycan Respublikasının Ekologiya və Təbii Sərvətlər Nazirliyi nəzərdə tutulur. [21]

2.24. həmin Məcəllənin 83-cü maddəsinin birinci və ikinci hissələrində nəzərdə tutulmuş müvafiq icra hakimiyyəti orqanlarının səlahiyyətlərini Azərbaycan Respublikasının Ekologiya və Təbii Sərvətlər Nazirliyi, təhlükəsizlik tələblərinə əməl olunması ilə bağlı Azərbaycan Respublikasının Fövqəladə Hallar Nazirliyi həyata keçirirlər;

2.25. həmin Məcəllənin 86-cı maddəsinin ikinci hissəsində nəzərdə tutulmuş müvafiq icra hakimiyyəti orqanlarının səlahiyyətlərini Azərbaycan Meliorasiya və Su Təsərrüfatı Açıq Səhmdar Cəmiyyəti həyata keçirir. [22]

3. Azərbaycan Respublikasının Nazirlər Kabinetinə tapşırılsın ki, Azərbaycan Respublikasının prezidentinə aşağıdakıların icrası barədə məlumat verməklə:

Azərbaycan Respublikası Su Məcəlləsinin 22-ci maddəsinin dördüncü hissəsində nəzərdə tutulmuş su ehtiyatlarının kompleks istifadəsi və mühafizəsi sxemlərinin işlənib hazırlanması, razılaşdırılması, dövlət ekspertizası, təsdiqi və həyata keçirilməsi qaydalarını iki ay müddətində təsdiq etsin;

həmin Məcəllənin 25-ci maddəsinin dördüncü hissəsində nəzərdə tutulmuş suların dövlət uçotunun qaydasını bir ay müddətində təsdiq etsin;

həmin Məcəllənin 28-ci maddəsinin ikinci hissəsində nəzərdə tutulmuş su obyektlərinin istifadəsi və mühafizəsi üzərində dövlət nəzarətinin həyata keçirilməsi qaydalarını bir ay müddətində təsdiq etsin;

həmin Məcəllənin 29-cu maddəsinin ikinci hissəsində nəzərdə tutulmuş su obyektlərinin istifadəsi və mühafizəsi sahəsində normalaşdırma qaydalarını iki ay müddətində təsdiq etsin;

həmin Məcəllənin 39-cu maddəsinin ikinci hissəsində nəzərdə tutulmuş sudan istifadə limitlərinin hazırlanması və həyata keçirilməsi qaydalarını iki ay müddətində təsdiq etsin;

həmin Məcəllənin 50-ci maddəsinin dördüncü hissəsində nəzərdə tutulmuş su obyektlərində istirahət  və idman üçün istifadə qaydaları haqqında Əsasnaməni iki ay müddətində təsdiq etsin;

həmin Məcəllənin 52-ci maddəsinin ikinci hissəsində və 53-cü maddəsinin üçüncü hissəsində nəzərdə tutulmuş sudan təsərrüfatdaxili istifadə planlarının və sudan istifadəyə dair ümumsistem planlarının təsdiq edilməsi qaydasını iki ay müddətində müəyyən etsin;

həmin Məcəllənin 63-cü maddəsinin birinci hissəsində nəzərdə tutulmuş su obyektlərindən hidroenergetika ehtiyatları üçün istifadə qaydalarını bir ay müddətində təsdiq etsin;

həmin Məcəllənin 73-cü maddəsində nəzərdə tutulmuş balıqçılıq və ovçuluq təsərrüfatlarının ehtiyacları üçün su obyektlərindən istifadə qaydalarını iki ay müddətində təsdiq etsin;

həmin Məcəllənin 74-cü maddəsinin yeddinci hissəsində nəzərdə tutulmuş xüsusi qorunan su obyektlərinin kateqoriyalara aid edilməsini bir ay müddətində təsdiq etsin;

həmin Məcəllənin 82-ci maddəsinin beşinci hissəsində nəzərdə tutulmuş su mühafizə zonalarının, onların sahil mühafizə zolaqlarının ölçülərinin, sərhədlərinin və istifadəsinin müəyyən edilməsi qaydalarını bir ay müddətində təsdiq etsin;

həmin Məcəllənin 94-cü maddəsinin dördüncü hissəsində nəzərdə tutulmuş suların vəziyyətinə təsir edən müəssisələrin, qurğuların və digər obyektlərin tikinti yerlərin müəyyənləşdirilməsi və onların tikinti layihələrinin razılaşdırılması, onların dövlət ekspertizası və istismara verilmə qaydalarını bir ay müddətində təsdiq etsin;

4. Azərbaycan Respublikasının Ekologiya və Təbii Sərvətlər Nazirliyinə və Azərbaycan Meliorasiya və Su Təsərrüfatı Açıq Səhmdar Cəmiyyətinə tapşırılsın ki, Azərbaycan Respublikasının Su Məcəlləsi və bu Fərman ilə onların səlahiyyətinə aid edilən məsələləri qısa müddətdə həll etsinlər. [23]

Azərbaycan Respublikasının Prezidenti

Heydər ƏLİYEV

Bakı şəhəri, 13 mart 1998-ci il

   № 685

İSTİFADƏ OLUNMUŞ MƏNBƏ SƏNƏDLƏRİNİN SİYAHISI

1.       23 oktyabr 2003-cü il tarixli 941 nömrəli Azərbaycan Respublikası Prezidentinin Fərmanı (Azərbaycan Respublikasının Qanunvericilik Toplusu, 2003-cü il, № 10, maddə 546)

2.       2 fevral 2007-ci il tarixli 521 nömrəli Azərbaycan Respublikası Prezidentinin Fərmanı (Azərbaycan Respublikasının Qanunvericilik Toplusu,  2007-ci il, № 2, maddə 87)

3.       6 avqust 2008-ci il tarixli 812 nömrəli Azərbaycan Respublikası Prezidentinin Fərmanı (“Azərbaycan” qəzeti, 9 avqust 2008-ci il № 175, Azərbaycan Respublikasının Qanunvericilik Toplusu, 2008-ci il, № 8, maddə 719)

4.       29 oktyabr 2012-ci il tarixli 713 nömrəli Azərbaycan Respublikası Prezidentinin Fərmanı (Azərbaycan Respublikasının Qanunvericilik Toplusu, 2012-ci il, № 10, maddə 952)

5.       25 noyabr 2013-cü il tarixli 29 nömrəli Azərbaycan Respublikası Prezidentinin Fərmanı (“Respublika” qəzeti, 26 noyabr 2013-cü il, № 259; Azərbaycan Respublikasının Qanunvericilik Toplusu, 2013-cü il, № 11, maddə 1333)

6.       31 oktyabr 2014-cü il tarixli 329 nömrəli Azərbaycan Respublikası Prezidentinin Fərmanı (“Azərbaycan” qəzeti, 2 noyabr 2014-cü il, № 239, Azərbaycan Respublikasının Qanunvericilik Toplusu, 2014-cü il, № 10, maddə 1214)

7.       15 dekabr 2014-cü il tarixli 396 nömrəli Azərbaycan Respublikası Prezidentinin Fərmanı (“Respublika” qəzeti, 16 dekabr 2014-cü il, № 275, Azərbaycan Respublikasının Qanunvericilik Toplusu, 2014-cü il, № 12, maddə 1550)

8.       5 sentyabr 2017-ci il tarixli 1587 nömrəli Azərbaycan Respublikası Prezidentinin Fərmanı (“Azərbaycan” qəzeti, 7 sentyabr 2017-ci il, № 193, Azərbaycan Respublikasının Qanunvericilik Toplusu, 2017-ci il, № 9, maddə 1634)

9.       31 may 2018-ci il tarixli 100 nömrəli Azərbaycan Respublikası Prezidentinin Fərmanı (“Xalq” qəzeti, 1 iyun 2018-ci il, № 122, Azərbaycan Respublikasının Qanunvericilik Toplusu, 2018-ci il, №5, maddə 968)

10.    13 sentyabr 2019-cu il tarixli 833 nömrəli Azərbaycan Respublikası Prezidentinin Fərmanı (“Azərbaycan” qəzeti, 15 sentyabr 2019-cu il, № 203, Azərbaycan Respublikasının Qanunvericilik Toplusu, 2019-cu il, № 9, maddə 1492)

11.    6 fevral 2020-ci il tarixli 929 nömrəli Azərbaycan Respublikası Prezidentinin Fərmanı (“Xalq” qəzeti, 7 fevral 2020-ci il, № 26, Azərbaycan Respublikasının Qanunvericilik Toplusu, 2020-ci il, № 2, maddə 87)

FƏRMANA EDİLMİŞ DƏYİŞİKLİK VƏ ƏLAVƏLƏRİN SİYAHISI