Azərbaycan Respublikası vətəndaşının şəxsiyyət vəsiqəsi nümunəsinin təsdiq edilməsi haqqında [1]

AZƏRBAYCAN RESPUBLİKASININ QANUNU

Azərbaycan Respublikasının Milli Məclisi qərara alır:

I. Azərbaycan Respublikası vətəndaşının şəxsiyyət vəsiqəsinin əlavə olunan təsviri, eskizi və nümunəsi təsdiq edilsin. [2]

II. Şəxsiyyət vəsiqəsinin spesifikasiyası müvafiq icra hakimiyyəti orqanı tərəfindən təsdiq edilir. [3]

III. "Azərbaycan Respublikası vətəndaşının şəxsiyyət vəsiqəsi haqqında" Azərbaycan Respublikası Qanununun (Azərbaycan Respublikası Ali Sovetinin məlumatı, 1994-cü il, N 18, maddə 244) 3-cü maddəsinin birinci hissəsi aşağıdakı redaksiyada ifadə edilsin:

"16 yaşına çatanadək vətəndaşa verilən şəxsiyyət vəsiqəsində vəsiqənin seriyası və nömrəsi, vətəndaşın soyadı və adı, valideynlərinin soyadı və adı, onun doğulduğu yer və tarix, cinsi, qan qrupu, yaşadığı yer, şəxsiyyət vəsiqəsini verən orqanın adı və verilmə tarixi göstərilir; 16 yaşına çatdıqdan sonra vətəndaşa verilən şəxsiyyət vəsiqəsində isə bu məlumatlardan başqa vətəndaşın ailə vəziyyəti və hərbi vəzifəsi, boyu, gözlərinin rəngi haqqında məlumatlar, şəxsiyyət vəsiqəsi sahibinin şəxsi imzası və fotoşəkli əlavə edilir, habelə yuxanda göstərilənlərdən fərqli olaraq, valideynlərinin soyadı və adı əvəzinə atasının adı göstərilir".

Azərbaycan Respublikasının Prezidenti HEYDƏR ƏLİYEV

Bakı şəhəri, 13 fevral 1998-ci il

N 432-IQ

Azərbaycan Respublikasının

1998-ci il 13 fevral tarixli 432-1 saylı Qanunu ilə

TƏSDİQ EDİLMİŞDİR

Şəxsiyyət vəsiqəsinin təsviri

Şəxsiyyət vəsiqəsi 106 mm x 74 mm ölçülüdür. Beynəlxalq Mülki Aviasiya Təşkilatının 9303-cü sənədlərinə uyğundur.

Şəxsiyyət vəsiqəsinin üz tərəfinin yuxarı sol küncündə Azərbaycan Respublikası Dövlət Gerbinin rəngli təsviri verilmiş, onun yanında soldan sağa “Azərbaycan Respublikası vətəndaşının şəxsiyyət vəsiqəsi” sözləri yazılmışdır.

Şəxsiyyət vəsiqəsinə onun nömrəsi və seriyası yazılmışdır. [4]

a)  16 yaşına çatmamış vətəndaşlar üçün:

şəxsiyyət vəsiqəsinin üz tәrәfindә "Soyadı", "Adı", "Atası" "Anası", "Doğulduğu yer və tarix", "Cinsi" sözləri yazılmışdır;

arxa tәrәfindә "Qan qrupu", "Yaşayış yeri", "Vəsiqəni verən orqanın adı", "Vəsiqənin verilmə tarixi”, “Etibarlıdır” sözləri yazılmış və möhür üçün yer qoyulmuşdur. [5]

b)  16 yaşına çatmış vətəndaşlar üçün:

şəxsiyyət vəsiqəsinin üz tәrәfindә gerbin alt hissəsində 25 mm x 30 mm ölçülərində fotoşəkil üçün yer qoyulmuşdur;

ortada "Soyadı", "Adı", "Atasının adı", "Doğulduğu yer və tarix" sözləri yazılmışdır;

arxa tәrәfindә "Ailə vəziyyəti", "Hərbi vəzifəsi", "Boyu", "Qan qrupu", "Gözlərinin rəngi", "Cinsi", "Yaşayış yeri", "Vəsiqəni verən orqanın adı", "Vəsiqənin verilmə tarixi", "Vəsiqə sahibinin imzası", “Etibarlıdır” sözləri yazılmış və möhür üçün yer qoyulmuşdur. [6]

Azərbaycan Respublikasının 1998-ci il 13 fevral

tarixli 432-IQ saylı Qanunu ilə

TƏSDİQ EDİLMİŞDİR

Şəxsiyyət vəsiqəsinin spesifikasiyası

(Çıxarılıb) [7]

Azərbaycan Respublikasının

1998-ci il 13 fevral tarixli 432-1 saylı Qanunu ilə

TƏSDİQ EDİLMİŞDİR

Şəxsiyyət vəsiqəsinin eskizi

16 yaşına çatmış vətəndaşlar üçün

16 yaşına çatmamış vətəndaşlar üçün

İSTİFADƏ OLUNMUŞ MƏNBƏ SƏNƏDLƏRİNİN SİYAHISI

1.       4 dekabr 1998-ci il tarixli 568-IQD nömrəli Azərbaycan Respublikasının Qanunu (Azərbaycan Respublikasının Qanunvericilik Toplusu, 1999-cu il, № 1, maddə 1)

2.       11 may 2010-cu il tarixli 1008-IIIQD nömrəli Azərbaycan Respublikasının Qanunu (“Azərbaycan” qəzeti, 20 may 2010-cu il, № 108, Azərbaycan Respublikasının Qanunvericilik Toplusu, 2010-cu il, № 5, maddə 386)

3.       30 dekabr 2011-ci il tarixli 283-IVQ nömrəli Azərbaycan Respublikasının Qanunu (“Azərbaycan” qəzeti, 10 fevral 2012-ci il, № 32, Azərbaycan Respublikasının Qanunvericilik Toplusu, 2012-ci il, № 2, maddə 63)

QANUNA EDİLMİŞ DƏYİŞİKLİK VƏ ƏLAVƏLƏRİN SİYAHISI