Azərbaycan Respublikası Prezidentinin 2003-cü il 4 avqust tarixli 911 nömrəli Fərmanı ilə təsdiq edilmiş “İnzibati və yardımçı vəzifələrin Təsnifat Toplusu”nda dəyişikliklər edilməsi haqqında

AZƏRBAYCAN RESPUBLİKASI PREZİDENTİNİN FƏRMANI

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, “Azərbaycan Respublikası Prezidentinin Administrasiyasının strukturunun təsdiqi və işçilərinin say həddinin müəyyən edilməsi haqqında" Azərbaycan Respublikası Prezidentinin 2017-ci il 30 may tarixli 2922 nömrəli Sərəncamının tətbiqi ilə əlaqədar qərara alıram:

Azərbaycan Respublikası Prezidentinin 2003-cü il 4 avqust tarixli 911 nömrəli Fərmanı (Azərbaycan Respublikasının Qanunvericilik Toplusu, 2003, № 8, maddə 440; 2006, № 3, maddə 229, № 6, maddə 498; 2007, № 2, maddələr 86, 101, № 3, maddələr 217, 227, № 7, maddə 714, № 9, maddə 867, № 10, maddə 948, № 12, maddə 1242; 2008, № 1, maddə 9, № 3, maddələr 173, 179, № 6, maddə 499, № 8, maddələr 717, 723; 2009, № 2, maddə 66, № 6, maddələr 419, 421, 422; 2010, № 2, maddə 80, № 3, maddə 183, № 10, maddə 850; 2011, № 2, maddə 85; 2012, № 11, maddə 1078; 2013, № 3, maddə 236, № 8, maddə 901; 2014, № 9, maddə 1027; 2016, № 5, maddə 854, № 6, maddələr 1029, 1073; 2017, № 5, maddə 840, № 8, maddələr 1519, 1521) ilə təsdiq edilmiş “İnzibati və yardımçı vəzifələrin Təsnifat Toplusu’’nda aşağıdakı dəyişikliklər edilsin:

1. I, II, III və IV hissələr müvafiq olaraq 1-ci, 2-ci, 3-cü və 4-cü hissələr hesab edilsin.

2. 1.9.2-ci, 1.9.2-2-ci, 1.9.4-cü və 1.9.22-ci yarımbəndlər ləğv edilsin.

3. Aşağıdakı məzmunda 1.9.9-3-cü yarımbənd əlavə edilsin:

“1.9.9-3. Azərbaycan Respublikasının vitse-prezidentinin köməkçisi;".

4. 2.1.1-ci yarımbəndin 3-cü abzasından “Azərbaycan Respublikasının Dövlət müşaviri," sözləri çıxarılsın.

5. 2.1.2-ci yarımbəndin 1-ci və 3-cü abzasları ləğv edilsin və həmin yarımbəndə aşağıdakı məzmunda 8-3-cü abzas əlavə edilsin:

“8-3. Azərbaycan Respublikasının vitse-prezidentinin köməkçisi;".

6. 2.1.4-cü yarımbəndin 2-ci abzası ləğv edilsin və 3-cü abzasından “sektor müdiri," sözləri çıxarılsın.

İlham ƏLİYEV,

Azərbaycan Respublikasının Prezidenti

Bakı şəhəri, 5 iyul 2018-ci il

№159