"Birləşmiş Millətlər Təşkilatı Baş Assambleyasının  narkotik vasitələrin və psixotrop maddələrin qanunsuz istehsalı, satışı, tələbatı, dövriyyəsi, yayılması və bununla bağlı fəaliyyətə qarşı mübarizəyə həsr olunan iyirminci xüsusi sessiyasında iştirak edəcək Azərbaycan Respublikası nümayəndə heyətinin tərkibi haqqında" Azərbaycan Respublikası Prezidentinin 1998-ci il 5 may tarixli 799 nömrəli Sərəncamına dəyişiklik edilməsi barədə

AZƏRBAYCAN RESPUBLİKASI PREZİDENTİNİN SƏRƏNCAMI

BMT Baş Assambleyasının iyirminci xüsusi sessiyasında Azәrbaycan Respublikasının daha geniş təmsil edilməsi məqsədi ilə qərara alıram:

1. "Birləşmiş Millətlər Təşkilatı Baş Assambleyasının narkotik vasitələrin və psixotrop maddələrin qanunsuz istehsalı, satışı, tələbatı, dövriyyəsi, yayılması və bununla bağlı fəaliyyətə qarşı mübarizəyə həsr olunan iyirminci xüsusi sessiyasında iştirak edəcək Azərbaycan Respublikası nümayəndə heyətinin tərkibi haqqında" Azərbaycan Respublikası Prezidentinin 1998-ci il 5 may tarixli 799 nömrəli Sərancamı ilə təsdiq olunmuş nümayəndə heyətinin tərkibinə aşağıdakı şəxs daxil edilsin:

Fikrət Məmmədov — Azərbaycan Respublikası Baş prokurorunun müavini

2.  Azərbaycan Respublikasının Xarici İşlər Nazirliyi Azərbaycan Respublikasının nümayəndə heyətinin tərkibində edilmiş dəyişiklik barədə BMT-yə müvafiq bildiriş göndərsin.

Azərbaycan Respublikasının Prezidenti    HEYDƏR ƏLİYEV

Bakı şəhəri, 22 may 1998-ci il

                    N 809