“Narkotik vasitələr, psixotrop maddələr və prekursorların qeyri-qanuni istehsalı, dövriyyəsi və sui-istifadəsi üzərində nəzarət sahəsində qarşılıqlı anlaşma və əməkdaşlıq üzrə Memorandumun iştirakçı-dövlətlərinin xarici işlər nazirlərinin Qərarı”nı və “Mərkəzi Asiya Regional Məlumat Koordinasiya Mərkəzinin (CARİCC) yaradılması. Faza II” layihə sənədini Azərbaycan Respublikasının Hökuməti adından imzalamaq səlahiyyətinin verilməsi haqqında

AZƏRBAYCAN RESPUBLİKASI PREZİDENTİNİN SƏRƏNCAMI

1. “Narkotik vasitələr, psixotrop maddələr və prekursorların qeyri-qanuni istehsalı, dövriyyəsi və sui-istifadəsi üzərində nəzarət sahəsində qarşılıqlı anlaşma və əməkdaşlıq üzrə Memorandumun iştirakçı-dövlətlərinin xarici işlər nazirlərinin Qərarı” nı və “Mərkəzi Asiya Regional Məlumat Koordinasiya Mərkəzinin (CARİCC) yaradılması. Faza II” layihə sənədini Azərbaycan Respublikasının Hökuməti adından imzalamaq səlahiyyəti Azərbaycan Respublikasının Özbəkistan Respublikasında Fövqəladə və Səlahiyyətli Səfiri Namiq Rəşid oğlu Abbasova verilsin.

2. Azərbaycan Respublikasının Xarici İşlər Nazirliyinə tapşırılsın ki, bu Sərəncamın 1-ci bəndində göstərilən sənədləri Azərbaycan Respublikasının Hökuməti adından imzalamaq səlahiyyətinin Azərbaycan Respublikasının Özbəkistan Respublikasında Fövqəladə və Səlahiyyətli Səfiri Namiq Rəşid oğlu Abbasova verilməsi barədə müvafiq tərəflərə bildiriş göndərsin.

İlham ƏLİYEV,

Azərbaycan Respublikasının Prezidenti

Bakı şəhəri, 6 fevral 2006-cı il

                  № 1258