AKTIN NÖVÜ
AZƏRBAYCAN RESPUBLİKASI MİLLİ MƏCLİSİNİN QƏRARLARI
QƏBUL EDİLDİYİ TARİX
29.04.1992
QEYDİYYAT NÖMRƏSİ
112
ADI
Azərbaycan Respublikası Bakı şəhərinin bəzi rayon və qəsəbələrinə, Ağdaş, Bərdə, Qobustan, İmişli, İsmayıllı, Yevlax, Gədəbəy, Goranboy, Lənkəran, Salyan, Füzuli, Xaçmaz, Cəlilabad rayonlarının bir sıra yaşayış məntəqələrinə yeni adlar verilməsi və inzibati ərazi bölgüsündə qismən dəyişiklik edilməsi haqqında
RƏSMİ DƏRC EDİLDİYİ MƏNBƏ
Azərbaycan Respublikası Ali Sovetinin Məlumatı (Dərc olunma tarixi: 15-05-1992, Nəşr nömrəsi: 09, Maddə nömrəsi: 219)
QÜVVƏYƏ MİNMƏ TARİXİ
AZƏRBAYCAN RESPUBLİKASI VAHİD HÜQUQi TƏSNİFATI ÜZRƏ İNDEKS KODU
010.000.000
HÜQUQİ AKTLARIN DÖVLƏT REYESTRİNİN QEYDİYYAT NÖMRƏSİ
HÜQUQİ AKTIN HÜQUQİ AKTLARIN DÖVLƏT REYESTRİNƏ DAXİL EDİLDİYİ TARİX
01.07.2011
Azərbaycan Respublikası Bakı şəhərinin bəzi rayon və qəsəbələrinə, Ağdaş, Bərdə, Qobustan, İmişli, İsmayıllı, Yevlax, Gədəbəy, Goranboy, Lənkəran, Salyan, Füzuli, Xaçmaz, Cəlilabad rayonlarının bir sıra yaşayış məntəqələrinə yeni adlar verilməsi və inzib

Azərbaycan Respublikası Bakı şəhərinin bəzi rayon və qəsəbələrinə, Ağdaş, Bərdə, Qobustan, İmişli, İsmayıllı, Yevlax, Gədəbəy, Goranboy, Lənkəran, Salyan, Füzuli, Xaçmaz, Cəlilabad rayonlarının bir sıra yaşayış məntəqələrinə yeni adlar verilməsi və inzibati ərazi bölgüsündə qismən dəyişiklik edilməsi haqqında

AZƏRBAYCAN RESPUBLİKASI ALİ SOVETİ MİLLİ ŞURASININ QƏRARI

 

Azərbaycan Respublikası Ali Sovetinin Milli Şurası əmək kollektivlərinin, ictimai təşkilatların, yerli hakimiyyət orqanlarının və əhalinin xahişlərini nəzərə alaraq qərara alır:

Bakı şəhərinin bəzi rayon və qəsəbələrinə, Ağdaş, Bərdə, Qobustan, İmişli, İsmayıllı, Yevlax, Gədəbəy, Goranboy, Lənkəran, Salyan, Füzuli, Xaçmaz, Cəlilabad rayonlarının bir sıra yaşayış; məntəqələrinə aşağıdakı yeni adlar verilsin və inzibati ərazi bölgüsündə qismən dəyişiklik edilsin.

Bakı şəhəri üzrə

26 Bakı komissarı rayonu Səbail rayonu, Kirov rayonu Binəqədi rayonu, Lenin rayonu Sabunçu rayonu və Oktyabr rayonu Yasamal rayonu adlandırılsın.

Səbail rayonundakı Xanlar qəsəbəsinə Bibiheybət qəsəbəsi, Sabunçu rayonundakı Razın qəsəbəsinə Bakıxanov qəsəbəsi və Suraxanı rayonundakı Serebrovski qəsəbəsinə Qaraçuxur qəsəbəsi adları verilsin.

Ağdaş rayonu üzrə

İkinci Şordəhnə kəndi Bəylik kəndi adlandırılsın.

Bərdə rayonu üzrə

Leninabad kəndi Samuxlu, Abadlı kəndi Təhlə kəndi adlandırılsın.

Qobustan rayonu üzrə

Faktiki mövcud olan Cəngi kəndi dəqiqləşdirmə qaydasında Nabur kənd sovetinin tərkibində rayonun yaşayış məntəqələri siyahısına daxil edilsin.

Leninabad kəndi Təklə kəndi adlandırılsın.

İmişli rayonu üzrə

1 May qəsəbəsi Bəhrəmtəpə qəsəbəsi, Kuybışev kəndi Ölcələr kəndi adlandırılsın.

İsmayıllı rayonu üzrə

Zeyvə kəndi Basqal qəsəbə sovetinin tərkibindən Xankəndi kənd sovetinin tərkibinə verilsin.

Yevlax rayonu üzrə

28 Aprel qəsəbəsi Aran qəsəbəsi adlandırılsın.

Gədəbəy rayonu üzrə

Çiçəkli kəndinin tarixi adı özünə qaytarılaraq Arıqıran kəndi, Komintern kəndi Soyuqbulaq kəndi adlandırılsın.

Goranboy rayonu üzrə

Şaumyanovsk qəsəbəsinin tarixi adı özünə qaytarılaraq Aşağı Ağcakənd qəsəbəsi adlandırılsın.

Lənkəran rayonu üzrə

Faktiki mövcud olan Bürcəli kəndi dəqiqləşdirmə qaydasında Avrora qəsəbə sovetinin tərkibində rayonun yaşayış məntəqələri siyahısına daxil edilsin.

Olxovka kəndi Göyşaban kəndi adlandırılsın.

Salyan rayonu üzrə

Kürsəngi qəsəbəsi Varlı kənd sovetindən ayrılaraq, həmin qəsəbə mərkəz olmaqla Kürsəngi kənd soveti yaradılsın.

Füzuli rayonu üzrə

Hoğa kəndi Üçbulaq kəndi adlandırılsın.

Xaçmaz rayonu üzrə

Aleksandrovka kəndi Ködəkli kəndi, Borispol kəndi Sərkarlı kəndi, Rodnikovka kəndi Ağtala kəndi, Nizovaya kəndi Niyazoba kəndi, Qasabovka kəndi Xaspoladoba kəndi, Aronovka kəndi Əzizli kəndi, Vasilyevka kəndi Ağçay kəndi adlandırılsın.

Cəlilabad rayonu üzrə

Prişib şəhərinin tarixi adı özünə qaytarılaraq Göytəpə şəhəri, Andreyevka kəndi Qarazəncir kəndi, Novoqolovka kəndi Uzuntəpə kəndi adlandırılsın.

 

Azərbaycan Respublikası Ali Soveti sədrinin birinci müavini

Z. SƏMƏDZADƏ.

Bakı şəhəri, 29 aprel 1992-ci il.

                  № 112.

 

Müqayisə beta versiyadadır. Üzərində işlənilir.

Tarix
Versiyalar
Müqayisə
Növü
Sənədin adı
Nömrəsi
Əlaqə
Reyestr nömrəsi
Qəbul
edilmə tarixi
Status